توضیحات
دونیا دا بیر چوخ آرشدیرمالار ارگانیک گوبره لر ایستیحصال اِئتمک اوچون آپاریلیب ، اَکینَجک زَمیلرده و ایستیخانالاردا ( گلخانه ) کیمیاسال گوبره لرین یئرینه ارگانیک گوبره لردن ایستفاده اِئتمک تورپاغین گوجولنمه سینه ، سویون آز ایشلنمه سینه ، اطراف موحیطین چیرکلنمه سی نین آزالماسینا سبب اولار.
بو گوبره لردن بیریسی وینا T11 دیر کی چوخلو عالیم لرین او جمله دن گومز آلمانیادان ( 1996) ، پاند آمئریکادان ( 1994) ، سید عرفات میصردن (2002) ، کوروندورفر و آندرسون اینگیلتردن ، آراشدیرمالارینین نتیجه سی دیر. بو آراشدیرمالار بوغدا ، آرپا ، یونجا ، مه که، نوخود، ایستیخانالار و ... آپاریلیبدیر.
وینا T11 ارگانیک و مینیرال ماده لردن بیرلشیب و بیر چوخ اولکه لرده او جومله دن آمئریکا ، آلمانیا، اینگلتره، هُلاندیا، آوستریا ، اسپانیا و ... اَن چوخ ایشلنن گوبره لردن بیریدیر.
بو هوموسلو مایع گوبره ده بیتکیلرین اساس قیدا اِلمنتلری نین چوخو لاختانلانمیش ( کلات ) شَکلینده واردیر. و بوتون اَکینَجک بیتکیلره ، میوه آغاجلارینا ، دِکوراتیو آغاجلارا ، سبزه و یای بیتکیلره ، ایستیخانالارا اویغون ، و سبب اولار محصولون کیفیتی و بازاردا ساتیش قابیلیتی آرتا.
وینا ارگانیک گوبره سی نین فایدالاری:
- تورپاغین شورلوغونو آزالدیب، فسفر ، دَمیر و میکرو اِلمنتلری نین حَلینی یوخاریا آپاریب و آغاجین کوکونون جذبینی آسان لاشدیریر.
- بارین چوخالماسینا ، تِئز یِتیشمه سینه ، کیفیتینین یاخشی لاشماسینا ، دادی نین گوزل لَشمه سینه و بویومه سینه سبب اولار.
- تورپاغین و اطراف موحیطین چیرکلَنمه سی نی آزالدیر.
- بیتکیلرین ایشلمه سینی چوخالدیب و قول بوداق لاندیریر.
- بیتکی نین جوجَرمه سینی چوخالدیر.
- تورپاقداکی اِلمنتیلرین ، جذب اولمایان فورملارینی لاختالاندیرآرآق ( کلات ائدره ک ) ، جذب اولان فورمولا چِئویریر.
- آغاجین کوکلنمه سینه سبب اولور.
- تورپاغین ارگانیک ماده لرین آرتیریب و فیزیکی شرایطین یاخشی لاشدیریر.
- فایدالی میکرو اورگانیسم لری تورپاقدا چوخالدیر.
10. بیتکیلری قوراقلیق ، ایستی ، سویوق و ضَرر وئریجی و خَسته لیک لر و ایستریسله ره قارشی گوج لندیریر.
11. سویون ایشلنمه سینی آزالدیر.
وینا T11 ارگانیک گوبره نین خصوصیت لری:
- تورپاغین فیزیکی خصوصیت لرین یاخشی لاشدیرماسی: بو گوبرنین پولیمری ارگانیک یاپیشقان کیمی فعالیت گوستریر. تورپاغین هیس جیگلرینین و مینرالارینی بیر لشدیریر و نتیجه ده تورپاغین قورولوشونو یاخشی لاشدیریب و تورپاقدا نم ساخلاما قابلییتینی آرتیریر و تورپاغین نفس آلماسی نی یاخشی لاشدیریر .
- تورپاغین کیمیوی خصوصییت لرینی یاخشی لاشدیرماسی : منفی یوکلرین داخل اولماسی سببیندن تورپاغین کاتیون موبادیله سینی آرتیریر . بو گوبره بافر خصوصیتینه صاحیب اولدوغو اوچون تورپاغین PH نین قَفیلدن دَییشیلمه سی نین قارشی سی نی آلیر.
- بیتکی طرفیندن قیدا مادلرینین اودولماسینی آرتیریر: بلکه ده وینا T11 اَن یاخشی رولو ، اونون لاختالانما ( کلات ) رولودور. بوگوبره حل اولمایان و اَل چاتماز اِلمنتلری لاختالاندیریر و تورپاقدا ثابت اِلمنتلری سربست بوراخیلماسینا و داها یاخشی اودولماسینا سبب اولور.
- بیتکیلری قوراقلیغا دوام لیغینی آرتیرماسیی : وینا T11 تورپاقداکی سو مولوکولاری ایله علاقه یارالدیر و سویون بوخارلاشماسی نین بویوک اولچوده قارشی سینی آلیر. اسید فولیک و آمینه اسید واسیطه سی ایله بیرلیکده بیتکی نین ایچینه نفوذ اِدیر. بو علاقه بیتکی ده سو آزالماسینین قارشیسینی آلیب و سبب اولورکی سودا قناعت اولونا.
- بیولوژی فایدالاری: بو گوبره حوجره دیوارینین کئچیریلیگینی آرتیراراق ، حوجره ایچینده پوروتئین و نوکلوئیک اسیدینین ایستیحصالینی سورعت لندیریب و گوبَلَک خسته لینی و پاتوژن اینکیشافینین قارشی سینی آلیر. دیگر طرفدن وینا T11 حوجره دیوارینین دیامترینی ( قطر) آرتیرآرآق ، بیتکینی ضَرر وئریجیلره و خسته لیکلره قارشی موقاویمتی نی آرتیریر.
- کوک بویومه سینی آرتیریر : تورپاغین فیزیکی قورولوشونو دَییشدیره رک کوکلرین نوفوذ اِتمه سینی داها ایغون بیر موحیطده تامین ادیر. و همچنین حوجره داخیلینده داها چوخ پوروتئین ، نوکلوئیک اسیدینی ایستیحصال ائده رک ، کوک بویومه سینه و گِئنیشلنمه سینه کومک ائدیر.
7.شاختا یا قارشی موقاویمتی آرتیریر: حوجره داخیلینده مِتابولیسمی آرتیریب و بو مکانیزمله ، سویوخ ایستریسیله مبارزه آپارماغا کمک اِئدیر. بو گوبره تورپاغی قارالدیب و نتیجه ده گونش انرژی سینی داها چوخ توپراغا یِتیشمه سینه سبب اولور. توپراقدا داها چوخ نم ساخلاماقلا ، تورپاقدا چوخ کالری ساخلایئر.